Hegel de pacotilla

"Te odio mi amor" ou algo así, pílloa no final e non sei de que vai, algo de facer parellas, un viúvo nunha aldea perdida na Irlanda resulta ser a casamenteira definitiva, o final, despois dunha morea de situacións que se supoñen graciosas pero que dan moita pena, todo o mundo da coa súa media laranxa, o gilipollas que se presenta a senador e, xa saben, a rapaza triste que lle leva a carreira, sempre hai unha así nestas pelis, unha tía supercapaz e supertriste, aguanto os minutos que lle quedan á película por ela, Janeane Garofalo, só porque hai quen di que me parezo.